Á þessu námskeiði er blandað saman fræðslu, djúpslökun og hugleiðslu. Hver tími byrjar á 30 mínútna fræðslu frá sálfræðingi. Fræðslan mun byggjast á aðferðafræði hugrænnar atferlismeðferðar. Innihald fræðslunnar verður meðal annars:

  • Fræðsla um kvíða almennt og helstu einkenni kvíðans
  • Aðferðir til að vinna bug á kvíðanum
  • Tengsl milli hugsanna og líðan
  • Að skora á hugsanir á hólm

Í djúpslökun og hugleiðslu gerum við æfingar til að efla innri ró og kyrrð. Hugur og öndun vinna saman, rólegur hugur, róleg og djúp öndun og þar af leiðandi minni streita, aukin einbeiting og betri svefn. Efla getu til að hafa betri stjórn á hugsunum sínum og óvæntum aðstæðum sem fylgja daglegu lífi í þeim tilgangi að takast á við kvíðan með öndun og hugarró.

Kennarar:

Linzi Margaret Trosh , sálfræðingur.
Linzi sinnir greiningu og meðferð fullorðinna. Í meðferðavinnu beitir hún hugrænni atferlismeðferð og tekur einkum að sér mál sem tengjast kvíðaröskunum, þunglyndi og lágu sjálfsmati.

Íris Eiríksdóttir, jógakennari.
Íris hefur áralanga reynslu af því að kenna jóga, hugleiðslu og jóga nidra /djúpslökun. Íris hefur leitt fjölda námskeiða þar sem meðal annars eru kenndar aðferðir með tækni hugleiðslu og slökunar til að efla færni í að takast á við kvíða og streitu.

Námskeiðið er fjögur skipti og byrjar næst 9. janúar 2018. Það verður fjóra þriðjudaga í röð frá 19:30 til 21:30. Námskeiðið er haldið í húsnæði Sálfræðinganna Lynghálsi.

Skráning fer fram á yogahusid@gmail.com eða í síma 868-3508 (Íris). Verð: 19 þúsund krónur.

Óskir þú eftir frekari upplýsingum varðandi námskeiðið skaltu ekki hika við að senda okkur skilaboð hér að neðan og við svörum við fyrsta tækifæri.